Gruel Jehan
Assassin de petit Jehan...
Gruel Jehan
On ne sait rien de
personnage, si ce n'est qu'il était natif de Pouilly et que son père
était suffisamment aisé pour avoir un domestique.Une lettre de rémission datée du 17/08/1503, nous apprend qu'il a occis un certain petit Jehan, tisserand natif du pays d'Ardennes.
Ce qui se traduit par :
Remission pour
Jehan gruel de
poully
Rene etc. Lumble Supplication et Requeste de Jehan gruel natif
de pouilly en nostre prevoste de Sathenay a nous Receue Contenant
quil peult avoir environ demy an Il Se trouva en la taverne audict
lieu avec plusieurs aultres habitans dillec entre lesquelx y estoit
ung appelle petit Jehan tixerant natif du pays dardenne
qui avoit este Serviteur du pere dudict Suppliant Et apres ce que toute
la compaignie fut partie de la taverne qui avoyent bien beu
ledict petit Jehan present debat par parolles au beau frere dudict
Suppliant qui Sourvint au debat Et Luy Sembloit que ledict petit Johan
vouloit Rebouter ledict Son frere et artempner luy et Ses parens et amys
ainsi que les ardenoys ont de coustume de faire aux pays leurs
voisins usans de menasses et haultes parolle que ledict Suppliant
ne peult endurer ne porter Et luy dit quil nestoit point pour
les mespriser ou Rebuter Et ledict petit Jehan tira Son couteau
et dit audit Suppliant quil estoit homme pour luy et mieulx
Ausquelles parolles vindrent le pere dudict Suppliant et autres
Ses freres et parens qui donnerent assistance audict Suppliant Et tellement
que le pere dudict Suppliant escria audit Suppliant tue le le Ribault ou
Semblable parolles dont ledict Suppliant Sefforca a la voix de Son pere
Et tant poursuyvit ledict petit Jehan quil luy donna ung
cop dun petit couteau quil avoit a tailler pain Sans autre
baston Invasible dague ou espee duquel cop ledict petit
Jehan est alle de vie a trespas par faulte de bon cirurgien
Et Sil fust este bien Secouru ne fut este mort Toutesfois
Il est deffunct Pour lequel cas ledict Jehan gruel Sestant
absente de noz pays terres etc. Savoir faisons etc. Imposons etc.
Si donnons en mandement etc. donne en nostredict chastel de conde
le XVII° Jour daoust mil Vc et troys Signe Rene Par le
Roy de Sicile etc. Les evesque et conte de verdun, Seneschal de
lorraine president des comptes a nancy et autres presens Boudet
Quelques définitions :
Rebouter : repousser.
Ribault : injure dont la signification est très étendue. Homme de plaisir, débauché, méchant, scélérat, vagabond.
Invasible : offensif, propre à l'attaque.
s'absenter : s'éloigner, quitter.
Donc une querelle après boire qui a mal tournée...